မြန်မာနိုင်ငံ မြစ်များဆိုင်ရာ ကွန်ရက်အဖွဲ့မှ အမှာသတင်းစကား

မြန်မာနိုင်ငံ၏ လှပသောမြစ်ချောင်းများ လွတ်လပ်စွာစီးဆင်းနိုင်ပါစေ

မြန်မာနိုင်ငံ၏ အဓိကမြစ်ကြီးများနှင့် ရေဝေမြစ်များတွင် ဆည်ကြီးများကို တရုတ်၊ ထိုင်းနှင့် အိန္ဒိယနိုင်ငံများမှ ကုမ္ပဏီများ က တည်ဆောက်နေလျက် ရှိပါသည်။ ဤဆည်တည်ဆောက်မှုများကြောင့် လူများပြောင်းရွှေ့ရခြင်း၊ စစ်တပ်များ တိုးချဲ့ချ ထားလာခြင်း၊ လူ့အခွင့်အရေး ချိုးဖောက်မှုများ တိုးများလာခြင်းနှင့် ပြန်လည်ပြင်ဆင်ရန် မဖြစ်နိုင်သည့် သဘာဝပတ်ဝန်း ကျင် ပျက်စီးဆုံးရှုံးရမှုများ ဖြစ်ပေါ်စေပါသည်။ ထိုမျှမက လူသန်းပေါင်းများစွာ၏ ဘ၀ထူထောင်ရေးနှင့် အစားအစာဖူလုံမှု ကို ခြိမ်းခြောက်နေလျက် ရှိပါသည်။ ထုတ်လုပ်သည့် လျှပ်စစ်စွမ်းအင်များနှင့် ၀င်ငွေများသည် စစ်အစိုးရနှင့် အိမ်နီးချင်း နိုင်ငံများ အဖို့သာ ဖြစ်စေပါသည်။

မြန်မာနိုင်ငံတွင် စွမ်းအင်ဖွံ့ဖြိုးထုတ်လုပ်မှုကို စစ်တပ်က လုံးဝထိန်းချုပ်ထားပါသည်။ သတင်းများ လူသိရှင်ကြားဖြန့်ဝေခြင်း မရှိသကဲ့သို့၊ လူအများ ပါဝင်ဆောင်ရွက်နိုင်ခွင့်လည်း မရှိပါ။ ထို့အပြင် ဆည်များတည်ဆောက် အကောင်အထည်ဖော်မှု မှာလည်း သင့်လျော်သည့် စံချိန်စံနှုန်းများအတိုင်း လိုက်နာဆောင်ရွက်လုပ်ကိုင်နေခြင်း မဟုတ်ပါ။ အိမ်နီးချင်းနိုင်ငံများက ဤအခြေအနေပေါ်မှ အမြတ်ထုတ်နိုင်ကြပြီး ဖြစ်လာမည့်လူမှုရေး၊ သဘာဝပတ်ဝန်းကျင် ဆိုးကျိုးများ ထိခိုက်ခံစာ:ရဖွယ် မရှိဘဲ လျှပ်စစ်ကို ရရှိနေကြပါသည်။

စွမ်းအင်ထုတ်လုပ်သည့် စီမံကိန်းများတွင် ပွင့်လင်းမြင်သာမှု ရှိလာစေရန်နှင့် တာဝန်ခံ တာဝန်ယူမှု ရှိလာစေရန်၊ လူအများ ၏ အခွင့်အရေးနှင့် လူမှုရေးတရားမျှတမှုကို အသိအမှတ်ပြုလာစေရန် မြန်မာနိုင်ငံတွင် ဒီမိုကရေစီနည်းကျ ရွေးချယ်တင် မြှောက်ထားသည့် အစိုးရတရပ် မဖြစ်မနေ လိုအပ်နေပါသည်။ ထိုအချိန်တိုင်အောင် ဆည်ကြီးများတည်ဆောက်ရေး အတွက် ရင်းနှီးမြှုပ်နှံမှု မှန်သမျှကို ရပ်ဆိုင်းထားသင့်ပါသည်။ ရေရှည်တည်တံ့မှုကို ရှေးရှုသည့် စွမ်းအင်ဆိုင်ရာမူဝါဒများ ဖြစ်ပေါ်လာမှသာ ဆောင်ရွက်သင့်လှပါသည်။