Skip to content
မြန်မာနိုင်ငံ၏ လှပသောမြစ်ချောင်းများ လွတ်လပ်စွာစီးဆင်းနိုင်ပါစေ
မြန်မာနိုင်ငံမှ ရင်းနှီးမြှုပ်နှံသူများ Print E-mail

-----------------------------------------------------------------------------------------------------

အေရှဝေါလ် ကုမ္ပဏီ လီမိတက် (Asia World Co.)
အေရှဝေါလ် ကုမ္ပဏီ လီမိတက်သည် မြန်မာနိုင်ငံရှိ အကြီးဆုံး စီးပွားရေးလုပ်ငန်းစုကြီး တခုဖြစ်ပြီး၊ စီးပွားရေးလုပ်ငန်း ပေါင်းစုံကို ကျယ်ကျယ်ပြန့်ပြန့် လုပ်ကိုင်နေသည်။ နာမည်ပျက်စာရင်းဝင် ဘိမ်းဘုရင်ဟောင်း လော်စစ်ဟန်က ၁၉၉၂ ခုနှစ်တွင် တည်ထောင်ခဲ့သည်။ အေရှဝေါလ်ကုမ္ပဏီသည် ဆောက်လုပ်ရေးကန်ထရိုက် စာချုပ် ချုပ်ဆိုခြင်း၊ ပစ္စည်းနှင့် စက်ကရိယာထောက်ပံ့ခြင်း ကဲ့သို့သော အစိုးရလုပ်ငန်းများတွင်လည်း ပါဝင်လုပ်ကိုင်နေသည်။ တခါတရံ ၎င်းကုမ္ပဏီက စစ်အစိုးရ၏ ကြားခံကိုယ်စားလှယ်အဖြစ် ဆောင်ရွက်၍ စီမံချက်များ စာချုပ်ချုပ်ဆိုခြင်း၊ ပစ္စည်းများ ထောက်ပံ့ပေးပို့ခြင်း၊ အခြေခံ အဆောက်အဦ တည်ဆောက်ရေး လုပ်ငန်းများကိုလည်း လုပ်ကိုင်သည်။ လော်စစ်ဟန်၏ သားဖြစ်သူ ထွန်းမြင့်နိုင် (ခေါ်) စတီဗင်လောသည် အေရှားဝေါလ်ကုမ္ပဏီ၏ မန်နေဂျင်းဒါရိုက်တာဖြစ်သည်။ စတီဗင်လောသည် ဘိန်းကုန်ကူးရာမှာ ပါဝင်ပတ်သက်သည်ဟု သင်္ကာမကင်း ဖြစ်ခံရမှုကြောင့်၊ ၁၉၉၆ ခုနှစ်တွင် အမေရိကန်ပြည်ထောင်စုသို့ သွားရောက်ရန်ဗီဇာ ပိတ်ပင် ခံခဲ့ရသည်။ စတီဗင်လော၏ ဘဏ္ဍာရေးဆိုင်ရာ ကွန်ယက်များကိုပိုမိုသိလိုပါက- ဒီမှာနှိပ်ပါ
ပတ်သက်နေသည့် လုပ်ငန်းများ
ရွှေလီဆည်
ဧရာဝတီမြစ်ဆုံဆည် နှင့် အဲန် မေခ/ မလိခဆည်များ
သံလွင်မြစ် အထက်ပိုင်းဆည်


မြန်မာနိုင်ငံ လျှပ်စစ်စွမ်းအား ကော်ပိုရေးရှင်း (Myanmar Electric Power Enterprise)
၁၉၉၇ ခုနှစ်တွင် စတင်တည်ထောင်ခဲ့ပြီး ဤလုပ်ငန်းသည် ယခင်က စွမ်းအင်ဝန်ကြီးဌာန လက်အောက်တွင်တည်ရှိသည်။ ယခုအခါ လျှပ်စစ်စွမ်းအားဝန်ကြီးဌာနအောက်တွင် ထားရှိသည်။ ၎င်းသည် စွမ်းအင်ထုတ်လုပ်ခြင်း၊ ပို့လွှတ်ခြင်း၊ ဖြန့်ဖြူး ခြင်း လုပ်ငန်းများကို မြန်မာတနိုင်ငံလုံးအတွက် အကောင်အထည်ဖော် ဆောင်ရွက်ပေးနေသည့် လုပ်ငန်း ဖြစ်သည်။ ဤ လုပ်ငန်းဌာန (MEPE) တွင် ၀န်ထမ်း ၁၆,၅၂၆ ဦး ရှိသည်။

စန်းတက် နည်းပညာကုမ္ပဏီလီမိတက် (Suntac Technologies)
စန်းတက် နည်းပညာကုမ္ပဏီ လီမိတက်သည် ၁၉၉၉ ခုနှစ်တွင် တည်ထောင်ခဲ့သော စန်းတက် ကုမ္ပဏီစု (Suntac Group of Companies) ၏ လက်ခွဲကုမ္ပဏီတခုဖြစ်ပြီး၊ ရန်ကုန်မြို့တွင်  အခြေစိုက်သည်။ စန်းတက်သည် အမျိုးသား မြေတိုင်း အချက်အလက်များပြုစုရေး (National Spatial Database development) ကို တာဝန်ယူထားရပြီး၊ လမ်းပန်းဆက်သွယ် ရေးနှင့်ပတ်သက်သော အင်ဂျင်နီယာ လေ့လာမှုများ၊ အဝေးပြေးလမ်းနှင့် မီးရထားလမ်း တည်ဆောက်ရေး၊ ဆည်မြောင်း တာတမံနှင့် သက်ဆိုင်သော လေ့လာမှုများကို ဆောင်ရွက်ပေးပါသည်။   စန်းတက်သည် (နအဖ) စစ်အစိုးရ ဝန်ကြီးဌာန များနှင့် တိုက်ရိုက်အဆက် အသွယ်ရှိသည့်အပြင်၊ မူးယစ်ဆေးဝါးကုန်ကူးမှုတွင် ပါဝင်ပတ်သက်ခြင်း၊ တရားမဝင်သစ်ခုတ် ခြင်းတို့ကြောင့် မကောင်းနာမည် ကျော်ဇောနေသော အေရှဝေါလ်ကုမ္ပဏီ လီမိတက်၊ ထူးကုမ္ပဏီ တို့ကဲ့သို့သော ကုမ္ပဏီ များအတွက် လုပ်ငန်များလည်း ဆောင်ရွက်ပေးနေသည်။ နိုင်ငံတကာနယ်ပယ်တွင် စန်းတက်သည် အငြင်းပွားဖွယ်သံလွင် မြစ်ဆည် တည်ဆောက်ရေးကိစ္စတွင် ပါဝင်ပတ်သက်နေသော ထိုင်းနိုင်ငံမှ အမ်ဒီအိက်စ် (MDX) ကုမ္ပဏီနှင့် လည်း ကောင်း၊ မြန်မာနိုင်ငံ၌ အကြီးဆုံးသတ္တုမိုင်း တူးဖေါ်ရေးလုပ်ငန်းကြီးတခုဖြစ်သည့် ကနေဒါကုမ္ပဏီ၊ အိုင်ဗင်ဟို သတ္တုတူး ဖေါ်ရေးလုပ်ငန်း (Ivanhoe Mining) တို့နှင့်လည်းကောင်း ပေါင်းဖွဲ့ လုပ်ကိုင်လျှက် ရှိပါသည်။ တရုတ်နိုင်ငံ လျှပ်စစ် ဓါတ်အား ရင်းနှီးမြှုပ်နှံမှုကော်ပိုရေးရှင်း (China Power Investment) မှထုတ်ဝေသော စာစောင်တစောင်၏ ဖေါ်ပြ ထားချက်အရ စန်းတက်နည်းပညာကုမ္ပဏီသည် ဧရာဝတီ မြစ်ဆုံဆည် နေရာတိုင်းတာရေး မြေပုံများအတွက် မြေအနေ အထားပြ ကောင်းကင်ဓါတ်ပုံများ ရိုက်ရန် တာဝန်ယူပေးရပါသည်။
ပတ်သက်နေသည့် လုပ်ငန်းများ
ဧရာဝတီမြစ်ဆုံဆည် နှင့် အဲန် မေခ/ မလိခဆည်များ
သံလွင်ဆည်များ


ဆက်သွယ်ရန်လိပ်စာ
Building 4, Room 2, 4
Building 5, Room 5, 7
MICT Park, Hlaing University Campus, Hlaing 11052, Yangon, Myanmar
+ 95-165-2245
This e-mail address is being protected from spambots. You need JavaScript enabled to view it

AddThis Social Bookmark Button